info@nao.kz
+7 7172 577 203
Қазақстан Компартиясы Орталық комитеті мен Министрлер кеңесінің 1966 жылғы 7 қазандағы «Ыбырай Алтынсариннің 125 жылдығын тойлау» туралы №722 Қаулысы негізінде Педагогика ғылымдары ғылыми-зерттеу институтына Ыбырай Алтынсарин есімі берілді. Институттың міндеті болып, бұрынғыдай,  Қазақ КСР халыққа білім беру негіздерін ғылыми тұрғыда дамыту болып қала берді.

1966-1968 жылдары институт құрылымында тәрие жұмыстарының секторы құрылды.

Тәрбие мәселелерінің ғылыми-зерттеу институты – Қазақ білім проблемалары институтының 1994 жылдан қызмет атқарып келген этнопедагогика және тәрбие зертханасының негізінде ҚР Білім және ғылым министрінің бұйрығымен 2000 жылғы 27-мамырда шаңырақ көтерді.

Институттың директоры қызметіне доцент Р.Б. Башаров, директордың орынбасары, ғалым-хатшы қызметіне доцент Қ.Л. Қабдолова тағайындалды.

Тәрбие институтында барлығы 12 адам, оның екеуі – педагогика ғылымдарының докторы, алтауы – ғылым кандидаттары және аспирантура бітірген қызметкерлерден құралды.

ҚБА-ның Астанаға көшуіне байланысты 2001 жылдың қазан айында Тәрбие ғылыми-зерттеу институты жабылды. Осы қысқа уақыт аралығында институт ұжымы ауқымды еңбектер жазып, оларды баспадан шығарды.

«Қазақстан Республикасының білім беру ұйымдарындағы кешенді тәрбие бағдарламасы», «Оқушылардың тұлғалық қасиеттерін дамытудың педагогикалық негіздері», «Тәрбие хрестоматиясы» (V-XI сынып жетекшілері үшін) және «Үлгілі үйдің ұл-қыздары» кітабы және т.б. жарық көрді. «Болашақ» оқушылар қоғамдық ұйымының ережесі мен жарғысы басылып, республика мектептеріне таратылды.

2003 жылдың қаңтар айында Тәрбие мәселелері ғылыми-зерттеу институты ҚБА-ның құрамында қайта шаңырақ көтерді. Институт директоры қызметіне п.ғ.д., профессор К.Ж. Қожахметова, директордың орынбасары, ғалым-хатшы қызметіне социология ғылымдарының кандидаты М.Е. Демеуова тағайындалды. Институттың құрамында үш зертхана ашылды: тәрбие әдіснамасы мен теориясы зертханасы (меңгерушісі – Ш.М. Майғаранова); этнопедагогика және отбасы тәрбиесі зертханасы (меңгерушісі – С.С.Қоңырбаева); салауатты өмір салтын қалыптастыру және оқушылар арасындағы қылмыстың алдын алу мәселелері зертханасы. (меңгерушісі – Л.Б.Аратай).

ҚР БҒМ 2006 жылдың 15 ақпандағы №4-02-2/222 өкіміне сәйкес жүргізілген оңтайландырудан соң ҚБА-ның тұлғаны әлеуметтендіру орталығында тәрбие беру және жеке даму зертханасы құрылды.

2012 жылы Академияда құрылымдық өзгерістер болды. Нәтижесінде тәрбие беру және жеке даму зертханасынан ұйымдастырылған тәрбие беру және этномәдениет бөлімі өз жұмысын бастады (меңгерушілері п.ғ.д Г.Д. Баубекова, п.ғ.д З.Б. Қабылбекова, п.ғ.к. Ж.К. Елеупаева  профессор Ж.Ж. Наурызбай болды).

2016 жылы бұл бөлім  Ж.Ж. Наурызбай жетекшілігімен Тәрбие теориясы және әдістемесі орталығы болып өзгертілді. Қазіргі уақытта Орталықтың директоры  т.ғ.к. доцент  А.М. Мамырханова болып табылады.

Орталықтың қызметкерлері:

 

  1. Наурызбай Жұмағали Жөкейұлы, бас ғылыми қызметкер, педагогиках ғылымдарының докторы,  профессор;
  2. Ахметова Ботагоз Саликовна жетекші ғылыми қызметкер,  биология ғылымдарының  кандидаты,  доцент;
  3. Утемуратова Басира Казбековна, жетекші ғылыми қызметкер, педагогиках ғылымдарының кандидаты,  доцент;
  4. Накаткова Ольга Ивановна, аға ғылыми қызметкер,
  5. Куанышева Гульжамал Альжановна, аға ғылыми қызметкер;
  6. Байкасов Болат Бакитович, аға ғылыми қызметкер.
© Ресми сайт Ұлттық білім академиясы a. Ы.Алтынсарин
Астана қаласы, Мәңгілік Ел даңғылы ,8, "Алтын Орда" бизнес орталығы, 15-16-қабат
тел.: 8(7172) 577203